اليوم نتكلم بموضوع كلش مهم والناس هواية تسأل علية

الناس دائما تستفسر على نوعية الشبابيك هل نخليها نوعية الالمنيوم لو PVC 

حتى نجاوب على هذا السؤال لازم نعرف اول شيء الميزانية لصاحب المشروع لان هي الوحيدة تستطيع تحدد المسار الي يُسلك بالطبع إذا الميزانية تسمح نروح باتجاه الالمنيوم لان اهم مايتميز بة عن PVC:

١- تعدد بالألوان وهذهِ الخاصية تمكن المعماري من ان يوظف الشبابيك بشكل صحيح مع الديكور 
٢- قابلية قليلة على الخدوش
٣- عازل اعلى ان تم اختيار المقطع بشكل حقيقي و علمي
٤- قدرة مقاومة الظروف الجوية بشكل اصلب 
٥- قليل الصيانة اذا تم الاختيار بشكل صحيح 

هسه خلي نشوف شنو اهم نقاط لازم نفحصها إذا رحنا باتجاه الالمنيوم

١- العزل: طبعا هنا معظم الناس تروح تصرف الفلوس على مقاطع الالمنيوم الي بيها عزل وهذا منطقي لان ما تريد الحرارة تدخل للمكان بس اكو قبل الإطارات الي تكون معزولة لازم الزجاج نفسه معزول يعني بالأخير الإطار يشكل تقريبا ١٠٪ من حجم النافذة الكلي ولكن الزجاج يمثل أكثر من ٩٠٪ لهذا الاجدر ان يكون الزجاج معزول بشكل جيد وليس الإطار لذلك عليك السؤال على مصنع العزل ويجب ان يتم توثيق بالعقد ان لا تزيد نسبة U-Factor عن ٠.٢٠ وهو معدل انتقال للحرارة هسه اذا ما تعرف تقيسها مو تلزمها بالصيف و تشوفها تنور يعني هي مابيها اي نوع عزل 

٢- نوعية الطلاء: مقاطع الالمنيوم يتم طلاؤها من خلال باودر خاص وهذا الطلاء يجب ان يكون من النوعية الجيدة ومن مصانع معروفة بالعالم وإذا كان ليس بهذا الشكل إذا انت تصرف اموالك بالاتجاه الخطأ وعليك طلب شهادة منشأ وضمان لهذه النقطة 

٣- الأجزاء البلاستيكية: يجب ان تكون ذات مرونة عالية وينصح ان تكون من
EPDM (Ethylene Propylene Diene Monomer) 

٤- المواد اللاصقة: تعتبر المواد اللاصقة التي تستعمل اثناء عملية تنصيب المقاطع سواء الالمنيوم او PVC يجب ان تكون من النوعية الجيدة و من منشأ اصلي و توجد بالعراق شركتنا اوربية ممكن ان تجهز هذه المواد و لكي لا تكون دعاية لا نستطيع ذكر اسماء هذه الشركات. 

حتى لا تفقد مرونتها بمرور السنين عليها وتبقى عازل جيد للحرارة والرطوبة وعدم دخول الرياح

لذلك مقطع الزجاج هو العامل الحاسم في النوافذ لان يعتر أكبر فتحة لتمرير الحرارة وأيضا إذا كنت نوعية القطع البلاستيكية يجب ان تكون مضمونه بشكل حقيقي والإطارات للمقطع المتحرك كذلك وعليك ان تتفقد عزل ومصنع العزل والتأكد من المجهز انه لا ينقل حرارة ومن خلال ارقام حقيقية 

وإذا تم اختيار هذهِ المواصفات سوف يكون سعر المتر للمقطع جدا مرتفع وذو مواصفات جيدة

#طريق_عدن أسلوب حياة

مواضيع ذات صلة