ادور .. و تتعامل .. و تفتر .. تتعب .. و تعصب .. و اعصابك تتلف .. و تشتري و تجيب ..
بالاخير يطلع البيت يشبة الي بصفك و يشبة فد ١٠٠ بيت و يصير الفرع زي موحد
بالضبط مثل ايام التسعينات لمن كل الناس تلبس نفس الالوان و نفس الهدوم و الطلاب يشيلون نفس محفظة الاقلام وكل الطلاب عدهم نفس الجنطة و كل الناس عدهم نفس البردات و نفس تخم القنفات و و و و تقريبا معظم البيوت متشابة بحيث ما تستغرب من تروح لبيت جيرانكم لو اقاربك والسبب حصار و ماكو استيراد و البلد حالتة حالة.
زين هسه ليش؟
لان البعض ادور الرخيص و تزج نفسه باختصاص مو اختصاصه و تعتقد كلشي سهل وهنا الكارثة وبعدين يعرف الفرق وين لمن توكع الفاس بالراس.
لان البعض ما تؤمن اكو شي اسمة مخطط معماري والي يسوي لازم معماري متمرس و مشتغل وعندة خبرة اكثر من ٣٠ سنة حتى يعكس مستواك الاجتماعي في بيتك و طريقة معيشتك.
لان البعض تريد تعيش بزمن حصار مع العلم عدهم امكانية تدفع شوية اكثر حتى تسوي مبنى يعكس مستواك الاجتماعي ويميزك.
لان البعض تريد يسويلك المبنى طكة ناقص وبالاخير اخطاء جيرانك تطلع عندك لان نفس المخطط و مسحوب من الانترنت و تعض اصابعك بعدين.
لان البعض تريد تسمع كلمة صار استاذ و يجرالك ويسولك الغلط بس حتى انت ترضى و بالاخير كلها تكمل شغلها و تاخذ فلوسها وانت تعيش وية الخطاء.
لان البعض تسبب بالتشوة الحاصل في البلد لمن تجيب مخطط من الانترنت والواجهه الخلفة يسويها شلون تريد يصير البلد جميل مثلا؟
لان البعض تعتمد على المهندس المدني الي كل خبرته ٥ سنوات و مسوي بيتين و كلها اخطاء هو يسويلك مخطط معماري وبعدين تكول البلد ليش مو مثل باقي البلدان
هاي الاسباب كلها واكثر هي تخرب بيتك بالدرجة الاولى و تخرب الفرع و المحلة و بعدين الزقاق وبالاخير نعيش بمكان كلها مشوه بصرياً و بالتالي انت تنتفد مستوى البناء و شكل البناء بشكل عام بس السبب هو الخيارات الي صارت!